പുകയില ഉല്പന്നങ്ങള് നശിപ്പിച്ചു
ടി.വി.പുരം: ഗ്രാമപ്പഞ്ചായത്ത് പുകയില വിമുക്തമാക്കുന്നതിന്റെ ഭാഗമായി ആരോഗ്യവകുപ്പും പഞ്ചായത്തും ചേര്‍ന്ന് പുകയില ഉല്പന്നങ്ങള് പിടികൂടി നശിപ്പിച്ചു. നിരോധിത ഉല്പന്നങ്ങളുടെയും ഹാന്‍സ്, തുളസി, പാന്‍പരാഗ് തുടങ്ങിയവയുടേതുമുള്‍പ്പെടെ 3000 പായ്ക്കറ്റുകളാണ് മിന്നല്‍പ്പരിശോധനയില്‍ പിടികൂടി നശിപ്പിച്ചത്.
ഗ്രാമപ്പഞ്ചായത്ത് പ്രസിഡന്റ് ബീന മോഹനന്‍, ആരോഗ്യകേന്ദ്രം മെഡിക്കല്‍ ഓഫീസര്‍ ഡോ.ജോസഫ് എന്നിവരുടെ നിര്‍ദ്ദേശപ്രകാാരമായിരുന്നു റെയ്ഡ്. ഹെല്‍ത്ത് ഇന്‍സ്‌പെക്ടര്‍ പി.സതീഷ്, പഞ്ചായത്ത് സെക്രട്ടറി തങ്കച്ചന്‍, പഞ്ചായത്തംഗം അനില്‍കുമാര്‍, ജൂനിയര്‍ ഹെല്‍ത്ത് ഇന്‍സ്‌പെക്ടരമാരായ കൃഷ്ണകുമാര്‍, കെ.പി.സാബു, പഞ്ചായത്ത് ഉദ്യോഗസ്ഥന്‍ റജി തുടങ്ങിയവര്‍ പരിശോധനയ്ക്ക് നേതൃത്വം നല്‍കി.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ